(၁) 316L Grade Stainless Steel

အကောင်းဆုံးနှင့် စျေးအကြီးဆုံး Stainless Steel Jewelry လေးများကို 316L Grade ဖြင့် ထုတ်လုပ်ပါသည်။ 316L ကို ဆရာဝန်သုံး ဆေးဘက်ဆိုင်ရာသုံး ပစ္စည်းများ ထုတ်လုပ်ရာတွင်လည်း သုံးသောကြောင့် Surgical Grade ဟုလည်းခေါ်ပါသည်။ ပင်လယ်ရေနှင့် ထိတွေ့သည့် ရေလုပ်ငန်းများတွင်လည်း သုံးကြသော‌ကြောင့် Marine Grade ဟုလည်းခေါ်ပါသည်။ 316L Steel ကိုပြုလုပ်ရာတွင် Molybdenum ကို Infuse လုပ်ထည့်သွင်းထားသော‌ကြောင့် ချွေးဒဏ်၊ ကိုယ်မှထွက်သော ဆီဒဏ်၊ အစိုဒြပ်၊ ဆားငံဒြပ် တို့ကို ခံနိုင်လေ့ရှိသည်။ လေ့ကျင့်ခန်းလုပ်ချိန်၊ ရေချိုးချိန်၊ ပူအိုက်ချွေးထွက်သည့် အချိန်များတွင်ပါ ဝတ်ဆင်လိုပါက 316L Grade Jewelry လေးများက အကောင်းဆုံး ရွေးခြယ်မှု ဖြစ်ပါသည်။ 316L တွင် Nickel ပါဝင်မှုကို Chromium Oxide အလွှာဖြင့် ချုပ်ထားသောကြောင့်အရည်ပြား ဓါတ်မတည့်မှု့ မဖြစ်နိုင်ပါ။ Jewelry များကို Gold, Rose Gold & Sliver Coated ပြုလုပ်ထားပါက အပေါ် အလွှာသည် Stainless Steel မဟုတ်သောကြောင့် အပေါ်အလွှာကို ပိုမို ဂရုစိုက်ပေးရန် လိုအပ်ပါသည်။

(၂) 304 Grade Stainless Steel

Stainless Steel Jewelry လေးများ တွင် 316L Grade ပြီးလျှင် 304 Level က အသင့်တော်ဆုံးဖြစ်ပြီး အကြမ်းခံသည်၊ စျေးပိုသက်သာသည်၊ Polish အတင်ခံပြီး ကြာရှည်တောက်ပြောင်နိုင်သည်။ 316L လောက်ထိ Grade မမြင့်သောကြောင့် Daily Wear ပြုလုပ်သည်ထက် အပြင်ထွက် ချိန်မှ Occasional ဝတ်သင့်သည်၊ နူးညံသည့် အဝတ်စဖြင့် သန့်ရှင်းရေးလုပ်ပေးသင့်သည်။ အစိုဒဏ်နှင့် ချွေးဒဏ်ကို ခံနိုင်သော်လည်း 316L Grade လောက်ထိ မခံနိုင်သော‌ကြောင့် ပိုမို ဂရုစိုက်ပေးရသည်။ သေချာဂရုစိုက်ပါက နှစ်ချီခံပါသည်။

(၃) Grade အနိမ့်များ၊ သံ နှင့် Cheap Alloy များ

စျေးအလွန်ပေါသည့် Jewelry များကို 403 Grade, 201 Grade များ၊ စျေးပေါသည့် Alloy သတ္တုစပ်များ ဖြင့် ပြုလုပ်သော‌ကြောင့် Nickel ပါဝင်မှုနည်းပါးပြီး အရည်ပြား ယားယံခြင်း ဓါတ်မတည့်ခြင်းများ ဖြစ်နိုင်သည်။ သံလိုက်တုံးဖြင့် စမ်းကြည့်ပါက ဆွဲအား အလွန်ပြင်းထန်လျှင် Grade အနိမ့်များ ဖြစ်လေ့ရှိသည်။ Grade အမြင့် Stainless Steel ဖြစ်ပါက Hardening Process ကြောင့် သံလိုက်ဖြင့် ဆွဲကြည့်ပါက အလွန်ဆွဲအားနည်းရမည်၊ သို့မဟုတ် လုံးဝ မဆွဲပါ။

လက်ရာ၊ အလေးချိန် နှင့် အပေါ်ယံအလွှာ

Grade မြင့်သည့် Stainless Steel Jewelry လေးများသည် Grade နိမ့်များထက် ပိုမိုလေးလံလေ့ရှိသည်။ လက်ရာ သေသပ်မှု အပိုင်းတွင် ပိုပြီး သေသပ်လေ့ရှိသည်။ သာမန် Grade များတွင် အရောင်မညီခြင်း၊ ချိုင့်ရာ ဖောင်းရာများ သိသာခြင်း၊ တောင့်တင်းခိုင်မာမှု မရှိပဲ ချောင်ချောင် lose ဖြစ်နေခြင်းများရှိနိုင်သော်လည်း Grade အမြင့်များတွင် ထိုသို့ မရှိပါ။ သာမန် Stainless Steel Jewelry များကို Electro Plating နည်းဖြင့် Coating ပြုလုပ်သော်လည်း Grade မြင့် သည့် Stainless Steel Jewelry လေးများသည် အပေါ်ယံအလွှာကို PVD Coating (Physical Vapor Deposition) နည်း Vacuum-coating နည်းဖြင့် Coating ပြုလုပ်သောကြောင့် molecular level ထိ color ငြိမ်သလို ပိုလည်း အကြမ်းခံသည်။

• ရေ၊ ရေငွေ့ မထိအောင် ရှောင်ကျဥ်ပါ - ‌ရေချိုးကာနီး၊ ရေကူးကာနီး၊ လေ့ကျင့်ခန်း လုပ်ကာနီး အချိန်များတွင် ခဏ ချွတ်ထားပါ။ ရေတွင်ပါဝင်သည့် ဓါတ်များက လက်ဝတ်ရတနာများ (ရွှေ၊ ငွေ၊ စတီး) ကို အကွက်များ ထင်စေနိုင်ပါသည်။

• စမတ်ကျကျ သိမ်းဆည်းပါ - လက်ဝတ်ရတနာလေးများကို ခြောက်သွေ့သည့် ရတနာဗူး သို့မဟုတ် နူးညံသည့် အိတ်ငယ်လေးများထဲ ထည့်သိမ်းပေးရပါမည်။ သို့မှသာ စင်းရာ ခြစ်ရာများ မဖြစ်နိုင်တော့မည်ဖြစ်သည်။ ရွှေ ငွေ ကြေး သံ သတ္တုမှန်သမျှသည် လေထုနှင့် ထိတွေ့ပါများပါက အရောင်ကျခြင်း Tarnish ဖြစ်နိုင်သောကြောင့် လေလုံပါက ပိုကောင်းပါသည်။

• ညင်သာစွာ သန့်ရှင်းရေးလုပ်ပေးပါ - ဝတ်ပြီး ချွတ်သိမ်းကာနီးတိုင်း နူးညံသည့် အဝတ်စဖြင့် ဖွဖွသုတ်ပေးပါ၊ ညစ်ပေသွားပါက ရေချိုး ဆပ်ပြာရည် အပျော့စားဖြင့် ဆေးပေးနိုင်ပါသည်။ Chemical အပြင်းစားများ မသုံးရပါ။

• နောက်ဆုံးမှ ဝတ်ပါ၊ ပထမဆုံး ချွတ်ပါ - ရေမွှေးများ၊ လိုးရှင်းများ၊ စပရေးများ အသုံးပြုပြီး မှ နောက်ဆုံး လက်ဝတ်ရတနာလေးများကို ဝတ်ပါ၊ မဟုတ်ပါက ရေမွှေး လိုးရှင်း Residue များက လက်ဝတ်ရတနာများကို ထိခိုက်စေနိုင်ပါသည်။

လက်ဝတ်ရတနာလေးများကို ချစ်ပေးပါက နှစ်ပေါင်းများစွာအထိ တောက်ပနေပါလိမ့်မည်...

The Yangon Atelier

Affortable Luxury